Eignaskrá

fasteign.is kynnir:

Ólafur B Blöndal,  löggiltur fasteignasali og fasteign.is kynna:







Einstaklega glæsilegt 482,4 fm einbýlishús á 1,590 fm lóð, ofarlega í botnlanga á Vatnsendasvæðinu.


Húsið skiptist þannig að íbúðarrými er 273,4 fm. Alrými á neðri hæð með fullri lofthæð alls 160 fm ásamt 49 fm bílskúr.  



Mikið útsýni yfir Elliðavatn og fjöllin í austri. Húsið er vandað að utan sem innan, stór verönd með heitum potti með Bomanite munstursteypu, svo og stórt bílaplan, lóð að mestu frágengin, möguleiki er á auka íbúð í kjallara og heimild til að byggja hesthús á lóðinni. 



Aðalhæðin:

Forstofa, inn af forstofu er innréttað fataherbergi og flísalögð gestasnyrting.

Eldhús með fallegri háglans og hnotu innréttingu, flísalagt er milli skápa og á gluggavegg, mjög vönduð tæki. Baðherbergin eru þrjú, gestasnyrting inn af forstofu, sér baðherbergi með góðri sturtuaðstöðu og útgengi á veröndina er inn af hjónasvítu og á neðri svefnherbergisgangi er baðherbergi með nuddkari og sturtuklefa, öll baðherbergin eru innréttuð vönduðum háglans hvítum og hnotu innréttingum og lögð ljósum flísum í hólf og gólf. 

Gengið er upp í stóra stofu með mikilli lofthæð og háum gluggum, fallegt útsýni er úr stofu yfir Elliðavatn og fjallahringinn, úr stofu eru stórar suðaustursvalir.

Sjónvarpsstofa er í opnu rými tengdu eldhúsinu, þaðan er stór rennihurð út á veröndina.

í sér rými er hjónaherbergi með vönduðum hnotu fataskápum og baðherbergi. Svefnherbergi eru þrjú, eitt þeirra með mikilli lofthæð og stiga upp á loft sem hægt er að nýta sem svefnloft eða leiksvæði. 

Þvottahús er vel innréttað og rúmgott, innaf því er geymslubúr og fellistigi er upp á rúmgott geymsluloft.

Neðri hæð: innangengt er í kjallarann sem er 160 fm með fullri lofthæð. Mögulegt er að innrétta þar séríbúð en rýmið hefur ekki verið stúkað af með veggjum utan bílgeymsla og geymslurými, bílskúrshurð og gönguhurð er inn í kjallarann bakatil.

Gólfefni: Á öllu húsinu utan kjallara er vandað gegnheilt hnotuparket og ljósar flísar.



Zumtobel ljósastýringarkerfi frá Reykjafelli er í húsinu.



Innangengt er í 49 fmbílskúr úr þvottahúsi, gólf er flotað slitsterku efni, gönguhurð er einnig í skúrinn við hlið aðalinngangs hússins.



Allar nánari upplýsingar gefur Ólafur B Blöndal löggiltur fasteignasali í 5-900-800 eða 6-9008-11.  olafur@fasteign.is

Sjá nánar á heimasíðu fasteign.is






 

Suðurlandsbraut 18 | 108 Reykjavík | Sími: 5-900-800 | Fax: 5-900-809 |  
Keyrir á WebEd frá Hugsandi Mönnum