Eignaskrá

fasteign.is kynnir:

Ólafur B Blöndal,  löggiltur fasteignasali og fasteign.is kynna:

 



NEÐRI BAKKI 1

Góður sumarbústaður í Langadal við Ísafjarðadjúp.

SKIPTI MÖGULEG Á ATVINNUHÚSNÆÐI Á STÓR REYKJAVÍKURSVÆÐINU. 
Bústaðurinn stendur á 2 ha eignarlandi úr landi Neðri Bakka. Bústaðurinn skiptist í stofu með eldhúskrók, baðherbergi, tvö herbergi og svefnloft. Bústaðurinn er klæddur að utan með timburklæðningu. Verönd er út af stofunni. Útsýni er glæsilegt og fyrir neðan liðast Langadalsáin. Auðveldlega má byggja fleiri bústaði á spildunni. 

̈Öll réttindi fylgja lóðinni, þar með talinn réttur til að nýta heitt vatn sem vitað er um á lóðinni. Lóðin er vel gróin og með grasflöt og miklu berjalyngi. Upphitun er með rafmagni.

Nánari lýsing: Stofan og eldhúsið mynda eitt samfellt rými. Úr stofunni er gengið beint út á verönd sem er til vesturs og suðurs. Stórir gluggar eru á vesturgafli þaðan sem sést vítt yfir í landið handan Langadalsár, Brekku og Arngerðareyrar. Svefnherbergin eru tvö. Annað þeirra er með kojum en hitt hjónarúmi. Úr stofu liggur stigi upp á svefnloftið. Baðherbergið er dúklagt og með sturtuklefa og glugga til suðurs. Innbú getur fylgt.



Þegar er búið bora fyrir vatni á lóðinni og kom heitt vatn upp við borunina. Holan hefur ekki verið tekin í notkun en heitavatnsuppspretta með töluverðu vatni er á árbakkanum rétt neðan við spilduna, 30-35 gráðu heitt. Heitt vatn frá hitakút og kynding er með rafmagnsofnum.  



Allt umhverfi Langadalsár er fagurt og víða kjarri vaxið, sérstaklega land Arngerðareyrar sem við blasir gegnt landi Neðri - Bakka. Nánasta umhverfi eru gömul tún og lyngvaxnar brekkur til austurs. Húsið stendur á fáförnum stað um 3 km frá þjóðveginum. Örstutt er á Hólmavík og um 2 klst akstur á Ísafjörð í góðu færi. Um  280 km frá Reykjavík.

Fátt jafnar kyrrð og fegurð Inndjúpsins, vetur sem sumar.  Góð rjúpnalönd allt um kring.

 



 


Suðurlandsbraut 18 | 108 Reykjavík | Sími: 5-900-800 | Fax: 5-900-809 |  
Keyrir á WebEd frá Hugsandi Mönnum